BQO-da adamdardyń sýǵa ketýi men dalanyń órtke oranýy jıilep tur

Oblystyq tótenshe jaǵdaılar departamentinen túsken málimetke qaraǵanda, 17 shilde kúni Jańaqala aýdany Qyrqopa aýylynyń 1986 jylǵy N. degen turǵyny Kóshim ózenine sýǵa túsýge bolmaıtyn jerden túsip, sodan shyqpaı qalǵan. Munyń aldyndaǵy senbi, jeksenbi kúnderi Jánibek aýylynda tórt jasar sábı, al Shaǵan ózeninde otyz jasar er adam tilsiz jaýdyń qurbany bolǵan edi.

Óńirde jyl saıyn 35-ten 45-ke deıin adam sýǵa ketedi. Bıyldyń ózinde 19 adam sondaı kóldeneń qazaǵa ushyrasa, sonyń altaýy balalar bolyp otyr.

Sondaı-aq 17 shilde kúni Jánibek aýdany Aǵoba aýyldyq okrýgine qarasty Paıyl mańynda 530 ga, «Aqjol» sharýa qojalyǵynyń 250 ga jeri, barlyǵy 780 ga dala otqa orandy.

Jalpy, óńirde órt qaýpi seıilgen joq.