BQO-da adam kóp jınalatyn 25 nysanda órt qaýipsizdigi tekserildi
ORAL. QazAqparat - Batys Qazaqstan oblysynda órttiń aldyn alý baǵytynda 25 nysan tekserildi, dep habarlaıdy QazAqparat tilshisi.
BQO TJ departamenti órt qaýipsizdigi salasyndaǵy baqylaý jáne profılaktıkalyq qyzmet basqarmasynyń bastyǵy, azamattyq qorǵaý podpolkovnıgi Erlan Tóregeldıevtiń aıtýynsha, QR Bas prokýratýrasynyń tapsyrmasyna sáıkes óńirde kópshilik jınalatyn 77 nysandy tekserý kózdelýde. Sonyń ishinde órt qaýpi joǵary 55 saýda orny bar.
Osy kezge deıin 25 nysan tekserilip, sonyń qorytyndysyna sáıkes 613 buzýshylyq anyqtaldy. 21 ákimshilik materıal toltyrylyp, sol boıynsha kásipkerlerge 573 805 teńge aıyppul salyndy.
Bul jumys odan ári jalǵasýda.
Órt qaýpi joǵary saýda oryndaryn tekserýdi 27 sáýirge deıin aıaqtaý josparlanýda.
Eske sala keteıik, Oralda saýda ortalyqtarynyń tekserile bastaǵany jóninde budan buryn jazǵan bolatynbyz.
