BQO-da adam qaǵyp ketken júrgizýshi ustaldy
ORAL. QazAqparat - Batys Qazaqstan oblysynda adam qaǵyp ketken júrgizýshi ustaldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, 30 sáýir kúni Samara-Shymkent jolynyń boıynda, Zelenov aýdany Pavlov pen Pogodaev aýyldarynyń arasynda habarsyz ketken D-nyń múrdesi tabylǵan edi. Ol jol-kólik oqıǵasy saldarynan alǵan jaraqattan kóz jumǵan.
BQO ІІD jergilikti polıtsııa qyzmetiniń qyzmetkerleri izdestirý sharalary barysynda marqumdy qaǵyp ketken «Mercedes» avtokóliginiń júrgizýshisin anyqtap, kúdikti retinde ustady.
Qazirgi kezde QR QK 345-baby 3-bóligine sáıkes (abaısyzda adam ólimine soqtyrǵan jol qozǵalysy erejesin buzý) sotqa deıingi tergeý amaldary júrgizilýde.
Aıta keteıik, D-nyń týystary ol iz-tússiz ketkennen keıin polıtsııaǵa habarlasqan bolatyn. Ol 16 sáýir kúni Máskeýden Oralǵa kelýi tıis bolatyn. Sol kúni memlekettik shekaradan ótkeni jóninde qońyraý da shalǵan.
Foto: baikal24.ru
