BQO-da 9 jyldan beri jalǵan dıplommen medbıke bolyp istegen áıel ustaldy

ORAL. QazAqparat - Batys Qazaqstan oblysynda jalǵan dıplommen jumys istegen medbıke anyqtaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, Jańaqala aýdandyq aýrýhanasyna 37 jastaǵy áıel medbıke retinde ornalasqan.

Alaıda onyń medıtsınalyq bilimi týraly dıplomynyń jalǵan ekendigi belgili boldy.

Jańaqala aýdandyq ortalyq aýrýhanasynyń dırektory 1984 jylǵy áıeldiń jalǵan dıplomdy paıdalanǵany týraly polıtsııaǵa habar bergen.

Atalǵan áıel medbıke bolyp 2012 jyldan beri jumys istep kelgen.

«Atalǵan derek boıynsha QR QK 385-baby 3-bóligine (jalǵan qujattardy qoldan jasaý nemese ótkizý) sáıkes sotqa deıingi tergeý amaldary júrgizilýde. Polıtsııa departamenti jalǵan qujattardy paıdalanǵan adamnyń qylmystyq jaýapkershilikke tartylatynyn eskertedi», dep habarlady vedomstvodan.