BQO-da 9 jasar bala tokqa soǵylyp, aýrýhanaǵa tústi
ORAL. QazAqparat – Batys Qazaqstan oblysynda 9 jasar bala tokqa soǵylyp, aýrýhanaǵa tústi, dep habarlaıdy QazAqparat tilshisi.
Aqjaıyq aýdany ákimdiginen túsken málimetke qaraǵanda, oqıǵa keshe keshkisin aýdan ortalyǵy Chapaev aýylynda oryn aldy.
Saǵat 19.00-der shamasynda úsh bala oınap júrip, transformator turǵan nysanǵa kirgen. Sol kezde 2010 jylǵy bala tokqa soǵylyp qalǵan.
Osy oqıǵa boıynsha materıal aýdandyq polıtsııa bólimine berilip, tekserilýde.
Bala Oraldaǵy oblystyq kópbeıindi balalar aýrýhanasyna jetkizildi. Qazirgi kezde ol jansaqtaý bóliminde jatyr.
