BQO-da 800-den astam adamnyń qant dıabetine shaldyqqany anyqtaldy

ORAL. KAZINFORM — Batys Qazaqstan oblysynda bıylǵy 11 aıda qant dıabeti boıynsha 63 649 adam skrınıngtik tekserýden ótkizildi.

BQO densaýlyq saqtaý basqarmasynyń basshysy Madııar Óteshevtiń málim etkenindeı, sonyń ishinde 833-iniń atalmysh dertke shaldyqqany anyqtalyp, 805-i dıspanserlik esepke alyndy. 

Madııar Amangeldiulynyń sózine qaraǵanda, osy merzimde 63 426 adam qan aınalymy júıesi boıynsha skrınıngtik tekserýden ótkizilse, sonyń 6 560-y nemese 10,3 paıyzy syrqat bolyp shyqty. Atap aıtqanda, 5 955-i arterııalyq gıpertenzııa, 635-i ıshemııalyq júrek aýrýlarymen tirkeldi. 

Glaýkomaǵa 63 624 adam tekserilse, sonyń 239-ynan atalmysh dert anyqtalyp, 234-i esepke qoıyldy. 

Sondaı-aq sút bezi obyry, jatyr moıny obyry jáne toq ishek obyrynyń isik aldy patologııasyn erte anyqtaý úshin skrınıngtiń úsh túri bar. 

- Sút bezi obyry boıynsha tekserýden ótýge tıis 44 910 áıeldiń 41 574-i nemese 92,6 paıyzy qaraldy. Sonyń 81-inde erte satydaǵy sút bezi obyry, 3 169 áıelde qatersiz isikter bary belgili boldy. Jatyr moıny obyryna josparlanǵan 34 287 áıeldiń 33 253-i nemese 96,9 paıyzy tekserildi. Nátıjesinde 10 adamnan obyrdyń osy túri, 801 áıelden isikke deıingi patologııalar tabyldy. Toq ishek obyrynan 52 876 adamnyń 50 722-si nemese 95,6 paıyzy tekserilip, 28-iniń dertke shaldyǵyp, 466-synan isikke deıingi patologııalar anyqtaldy. Osy oraıda turǵyndarǵa dárigerlik tekserýden ýaqytyly ótip turýdyń mańyzdylyǵyn eske salamyz, - dedi M.Óteshev.

Basqarma basshysynyń aıtýynsha, oblys ortalyǵynan shalǵaı jatqan eldi meken turǵyndaryna medıtsınalyq kómektiń qoljetimdiligin uıymdastyrý maqsatynda 12 jyljymaly medıtsınalyq keshen jumys jasaýda. Jyljymaly medıtsınalyq keshenderde terapevt, akýsher-gınekolog, hırýrg, oftalmolog, otorınolarıngologtar keńes berip, fýnktsıonaldy dıagnostıka (ÝDZ, rentgen, EKG), zerthanalyq jáne stomatologııalyq kabınet qyzmeti kórsetiledi.

- Keshenniń kómegimen bıylǵy 11 aıda 45 045 adam medıtsınalyq tekserýden ótti. 66 700 adamǵa mamandar keńes berse, 27 207-sine dıagnostıkalyq, 17 991-ine zerthanalyq qyzmet kórsetildi. Tekserý nátıjesi boıynsha barlyǵy 5 974 naýqas anyqtalyp, 1 718-i dıspanserlik esepke alyndy. Sonyń ishinde 1 038-ine qan aınalymy júıesi aýrýlary, 109-yna glaýkoma, 171-ine qant dıabeti, 3 262-sine basqa dıagnozdar qoıyldy. Oǵan qosa 1 392 bala tirkeldi, - deıdi M.Óteshev.

Basqarma derekteri boıynsha bıyl densaýlyq saqtaý salasyn qarjylandyrýǵa 96,8 mlrd teńge (2023 jyly – 91,3 mlrd teńge) qarastyryldy. Sonyń 83,9 mlrd teńgesi áleýmettik medıtsınalyq saqtandyrý qory arqyly jáne 12,9 mlrd teńgesi jergilikti bıýdjet esebinen jumsalýda. Aldaǵy jylǵa 98,9 mlrd teńge bólý josparlanýda.

Eske sala keteıik, budan buryn BQO-da 94 myńnan astam adamnyń qan aınalymy júıesi aýrýlarymen esepte turǵanyn jazǵan bolatynbyz.