BQO-da 8 tonna pishen men qora-qopsy órtenip ketti
ORAL. QazAqparat – Batys Qazaqstan oblysynda qora-qopsyǵa qosa 8 tonna pishen, mal órtenip ketti, dep habarlaıdy QazAqparat tilshisi.
BQO TJ departamenti «Órt sóndirý jáne avarııalyq qutqarý jumystary qyzmeti» MM málim etkenindeı, oqıǵa 7 jeltoqsan kúni Terekti aýdany Aqsoǵym aýylynda boldy.
Saǵat 11.37-de Jeńis kóshesindegi jeke turǵyn úıdiń aýlasynda ornalasqan sharýashylyq nysanynyń órtenip jatqany jóninde habar túsken.
Aýmaǵy 40 sharshy metrdi qamtyǵan órtten 8 tonna pishen kúlge aınaldy. Oǵan qosa 1 bas iri qara men buzaý, 20 úı qusy otqa orandy.
«Tilsiz jaý» saǵat 16.10-da oqshaýlanyp, 17.51-de tolyqtaı joıyldy.
Qazirgi kezde órttiń shyǵý sebebi, keltirilgen shyǵyn anyqtalý ústinde.
Eske sala keteıik, budan buryn Batys Qazaqstanda sibir eligin atqan brakonerler ustalǵanyn jazǵan bolatynbyz.
