BQO-da 8,4 mln teńge jalǵan bereshek óndirgen alaıaqtar sottaldy
ORAL. QazAqparat - Batys Qazaqstan oblysynda 8,4 mln teńge jalǵan bereshek óndirgen alaıaqtar sottaldy, dep habarlaıdy QazAqparat tilshisi.
BQO prokýratýrasynyń baspasóz qyzmetinen túsken málimetke qaraǵanda, bul derek atqarýshylyq óndiristi tekserý kezinde anyqtalǵan.
«Atqarýshylyq is júrgizý jáne sot oryndaýshylarynyń mártebesi týraly» Zańǵa sáıkes birinshi kezekte eńbekaqy boıynsha bereshek óndiriledi. Osyny bilgen jeke kásipker S. kredıtordyń aldyndaǵy mindetterin oryndamaý jáne qarajatty jymqyrý maqsatynda J-nyń 2011-2016 jyldary zańger retinde jumys jasaǵany týraly jalǵan qujattar jasaǵan. Sosyn sotta J-nyń paıdasyna atalǵan kólemde eńbekaqy bereshegin óndirýge qol jetkizgen.
Alaıda apellıatsııalyq satyda sot aktisi buzyldy.
Sot úkimimen S. men J. QR QK 24-baby 3-bóligi - 190-baby 3-bóligi 1-tarmaǵyna (iri mólsherdegi alaıaqtyqqa oqtalý) jáne 416-baby 5-bóligine sáıkes (ádiletsiz sot sheshimin shyǵarýǵa ákep soqqan jalǵan dálelderdi usyný) aıypty dep tanylyp, 3 jylǵa bas bostandyqtary shekteldi. Oǵan qosa, kommertsııalyq uıymdarda basshylyq qyzmet atqarý quqyǵynan aıyryldy.
Sot úkimi zańdy kúshine endi.
