BQO-da 70-ten astam adam qarjy pıramıdasyna aldanyp qaldy
ORAL. QazAqparat - Batys Qazaqstan oblysynda 70-ten astam adamdy aldaǵan «SWEET MONEY» qarjy pıramıdasy QR QK 217-babyna sáıkes tergelýde, dep habarlaıdy QazAqparat tilshisi.
BQO boıynsha ekonomıkalyq tergeý departamenti málim etkenindeı, atalǵan qarjylyq pıramıdany uıymdastyrýshylar «WhatsApp» messendjeri arqyly qarjy tartqan.
Joba shartymen keliskender «Kaspi Gold» bank kartasyna aqsha salyp, alty kúnnen keıin salym somasynyń 50-70 paıyzyn syıaqy esebinde alýǵa tıis bolǵan. Qarjy pıramıdasynyń qurylymyna sáıkes qarajat salymshylarǵa jańa qatysýlar salǵan aqsha esebinen bólinedi. Ádette pıramıda qurýshy qomaqty qarajat jınap alǵannan keıin tólemderdi toqtatady jáne barlyq aqshamen iz-túzsiz joǵalady.
«Aldanǵandar salǵan qarjy kólemi ár túrli. Keıbireýler 200 myń teńgesinen aıyrylsa, bireýler 5 myń teńge salǵan. Eger «SWEET MONEY» zergerlik salonynyń osyndaı áreketterinen basqa da zııan shekkender bolsa, departamenttiń +7 (7112) 53-84-27 senim telefonyna qońyraý shalǵany jón», dep habarlady vedomstvodan.
