BQO-da 7-synyp oqýshysy asylyp qaldy
ORAL. QazAqparat – Batys Qazaqstan oblysynda 7-synyp oqýshysy asylyp qaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 20 qańtar kúni Bókeı ordasy aýdany Saraljyn aýylynda boldy.
Keshke qaraı adam turmaıtyn úıdiń aýlasyndaǵy saraıda 2006 jylǵy bala asylyp qalǵan.
Derek ózine-ózi qol jumsaý retinde tirkeldi.
Bókeı ordasy aýdandyq polıtsııa bólimi oqıǵanyń sebebi men mán-jaıyn tekserýde.
BQO bilim basqarmasynyń baspasóz qyzmeti er balanyń Q.Saǵyrbaev atyndaǵy orta mekteptiń 7-synybynda oqyǵanyn jetkizdi. Ol tolyq otbasynda tárbıelengen.
Eske sala keteıik, óńirde ótken jyly osyndaı birneshe oqıǵa tirkelgen edi. Jańaqala aýdanynda qos birdeı 11-synyp oqýshysy asylyp qalsa, Syrymda qyz bala ózine-ózi qol jumsaǵan bolatyn.
