BQO-da 600-den astam bilim qyzmetkeriniń quqyǵy buzylǵany anyqtaldy

ORAL. KAZINFORM — Syrym aýdany prokýratýrasy bilim salasynyń 624 qyzmetkerin eńbek quqyǵyn qorǵaý úshin sharalar qabyldady.

BQO prokýratýrasynyń baspasóz qyzmetinen málim etkenindeı, ujymdyq kelisim-sharttardy taldaý barysynda áleýmettik demalys jáne basqa da áleýmettik kepildikter berý sharttary tıisti túrde eskerilmegeni anyqtaldy. Bul eńbek zańnamasyn buzý bolyp esepteledi. 

Atalǵan zań buzýshylyq jumysshylardyń demalý quqyǵyna shekteý qoıyp, eńbek jaǵdaıynyń nasharlaý qaýpin týdyrdy.

- Prokýratýranyń aralasýy nátıjesinde ujymdyq sharttardyń talaptary zań talaptaryna sáıkes keltirildi, al qyzmetkerler úshin barlyq tıisti áleýmettik demalystar men jeńildikter qamtamasyz etildi. Qabyldaǵan sharalar qyzmetkerlerdiń buzylǵan quqyǵyn qalpyna keltirýge jáne buzýshylyqtardyń aldyn alýǵa múmkindik berdi. Qadaǵalaý aktisin qaraý nátıjesi boıynsha 11 laýazymdy qyzmetker tártiptik jaýapkershilikke tartyldy, - dep habarlady prokýratýradan.

Eske sala keteıik, budan buryn mas kúıinde rýlge otyrǵan BQO turǵny ómir boıyna kólik basqara almaıtynyn jazǵan bolatynbyz.