BQO-da 6 jyl zańsyz turyp kelgen Armenııa azamatshasy anyqtaldy

ORAL. QazAqparat - Zelenov aýdandyq №2 soty kóshi-qon zańnamasyn buzǵan Armenııa Respýblıkasynyń azamatshasyna qatysty ákimshilik iske núkte qoıdy, dep habarlaıdy «QazAqparat» tilshisi.

BQO sotynyń baspasóz qyzmetinen túsken málimetke qaraǵanda, Prıýral polıtsııa bóliminiń kóshi-qon qyzmetkerleri qujattardy tekserý kezinde oblys aýmaǵyna 2011 jyly kelip, sodan beri ishki ister organdarynda tirkelmeı, turyp kele jatqan sheteldik azamatshany anyqtaǵan.

Kóshi-qon zańnamasyna sáıkes kelgen adam kúntizbelik 5 kúnnen keıin el aýmaǵynan shyǵyp ketýi nemese tirkelýi tıis.

Armenııalyq azamatsha kóshi-qon zańnamasyn buzǵany úshin kináli dep tanylyp, asyraýynda kámeletke tolmaǵan balalary bar ekendigi eskerilip, oǵan 10,5 AEK kóleminde aıyppul salyndy.

Sot qaýlysy zańdy kúshine endi.