BQO-da 6 bala koronavırýs juqtyrdy
ORAL. QazAqparat – Batys Qazaqstan oblysynda qańtar aıynyń alǵashqy kúnderi 6 bala koronavırýs juqtyrdy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, óńirde qyrkúıek aıynan beri indet juqtyrǵan 211 bala tirkeldi.
Sonyń ishinde qyrkúıekte – 4, qazanda – 5, qarashada – 102, jeltoqsanda – 78, qańtarda 6 bala aýyrdy. Oǵan qosa 16 balabaqsha tárbıelenýshisinen (12-si – qarashada, tórteýi – jeltoqsanda) koronavırýs tabyldy. Іndet kózi – otbasy músheleri.
Kúni búginge deıin oblysta 9 367 adam syrqattansa, sonyń 8 096-sy jazylyp shyqty. 169 adam ómirden ótti.
Pnevmonııaǵa shaldyqqan 151 adam statsıonarda, 49-y ambýlatorlyq em aldy. Pnevmonııadan barlyǵy 239 adam kóz jumdy.
Qazirgi tańda jasandy tynys alý apparatyna – 4, ottegi kontsentratoryna – 4, ortalyqtandyrylǵan ottegi kózine 35 adam qosylǵan.
Juqpaly aýrýlar aýrýhanasynda 174 adam em alyp jatsa, 23 adam karantın statsıonarynda. Jansaqtaý bóliminde jatqandar sany ósip, 19-ǵa jetti.
Oblysta 10 zerthana jumys isteıdi. Sońǵy táýlikterde 1 408 synama alynyp, zertteý júrgizilgen.
Eske sala keteıik, budan buryn Batys Qazaqstanda 180-ge jýyq adamnyń juqpaly aýrýlar statsıonarynda jatqanyn jazǵan bolatynbyz.
