BQO-da 6,2 mlrd. teńgege 54 eldi mekenge aýyz sý jetkizilmek
ORAL. QazAqparat - Batys Qazaqstan oblysynda bıyl 2020 jylǵa deıingi óńirlerdi damytý baǵdarlamasynyń «Aq bulaq» baǵyty boıynsha 6,2 mlrd. teńgege 39 joba júzege asyrylmaq, dep habarlaıdy «QazAqparat» HAA tilshisi.
Oblys ákiminiń orynbasary Baǵdat Azbaevtyń aıtýynsha, bul 65 myńnan astam adam turatyn 54 eldi mekendi sapaly aýyz sýmen qamtýǵa múmkindik beredi.
Atalmysh jobalar márege jetken kezde ortalyqtandyrylǵan sý kózine qosylǵan aýyldar sany 251 myń adam turatyn (78,5 paıyz) 186 eldi mekenge jetip, 42 paıyzdy quramaq.
Oblysta barlyǵy 443 eldi meken bolsa, qazirgi tańda sonyń 164-i ǵana (37 paıyz) ortalyqtandyrylǵan sýmen qamtylǵan.
