BQO-da 58 jastaǵy áıeldi zorlap óltirgen kúdikti ustaldy
BQO polıtsııa departamentiniń baspasóz qyzmetinen málim etkenindeı, oqıǵa 29 tamyz kúni Bókeı ordasy aýdany Han ordasy aýylynda boldy.
«Saǵat 13.00-de óziniń mekenjaıynan 1964 jylǵy áıeldiń múrdesi tabyldy. Atalǵan derek boıynsha QR QK 121-baby 4-bóligine (abaısyzda jábirlenýshiniń ólimine ákep soqqan seksýaldyq sıpattaǵy zorlyq-zombylyq áreketteri) sáıkes sotqa deıingi tergeý amaldary júrgizilýde. Sot sanktsııasymen kúdikti 2 aı merzimge qamaýǵa alyndy. Tıisti saraptamalar taǵaıyndaldy. QR Qylmystyq is júrgizý kodeksiniń 201-babyna sáıkes basqa aqparat jarııalaýǵa jatpaıdy», dep habarlady vedomstvodan.
Aýyl turǵyndarynyń sózine qaraǵanda, marqum balalarynan bólek turǵan. Birneshe adam birge araq ishken.
Eske sala keteıik, budan buryn Oralda para alǵan polıtsııa qyzmetkerine 7 mln teńge aıyppul salynǵanyn jazǵan bolatynbyz.