BQO-da 58 jastaǵy er adam Shalqar kóline batyp ketti

ORAL. KAZINFORM – Batys Qazaqstan oblysy Terekti aýdanyndaǵy Shalqar kólinde qaıǵyly oqıǵa boldy. 

BQO TJ departamentiniń baspasóz qyzmetinen málim etkenindeı, 12 shilde kúni Shalqar kólinde qutqarýshylar 1967 jylǵy er adamnyń denesin sýdan shyǵardy. Marqum belgisiz jaǵdaıda batyp ketken. 

TJ departamenti qyzmetkerleriniń sózine qaraǵanda, jyl basynan beri 23 adam sýǵa ketse, sonyń ishinde tórteýi – balalar. Sonyń ishinde shomylý maýsymy bastalǵan maýsym aıynan beri 15 adam (úsheýi – bala) qazaǵa ushyrady.

TJ departamenti sýdaǵy qaýipsizdik qaǵıdalaryn qatań saqtaý kerektigin eske salady. Atap aıtqanda, tyıym salynǵan jerlerde jáne túngi ýaqytta sýǵa shomylmaý kerek. Qutqarý quraldaryn paıdalanyp, balalardy qaraýsyz qaldyrmaý qajet. 

Eske sala keteıik, budan buryn Batys Qazaqstanda sýǵa batyp ketkender sany 20-ǵa jetkenin jazǵan edik.