BQO-da 58 myńnan astam adam koronavırýsqa qarsy ekpe saldyrdy
ORAL. QazAqparat – Batys Qazaqstan oblysynda 58425 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sonyń 6329-y – medıtsına qyzmetkerleri, 6864-i – pedagogtar, 3315-i – quqyq qorǵaý organdary, 41917-si – basqa sala ókilderi.
Sonymen qatar 22464 adam ekinshi komponentti qabyldady.
Aqpannyń 1-inen beri oblysqa barlyǵy 102200 doza (77050-i – birinshi, 25150-i – ekinshi komponent) vaktsına jetkizildi.
Sońǵy ret, 5 mamyrda Birikken Arab Ámirlikterinde óndirilgen 17500 doza (І komponent) Hayat-Vax arab vaktsınasy tústi.
Óńirde turǵyndardy vaktsınatsııalaý odan ári jalǵasýda.
Eske sala keteıik, budan buryn Batys Qazaqstanda sońǵy aptala koronavırýs juqtyrý kórsetkishi 8 paıyzǵa tómendegenin jazǵan bolatynbyz.
