BQO-da 56 jastaǵy áıel pyshaq jaraqatynan kóz jumdy

Batys Qazaqstan oblysynda 56 jastaǵy áıel pyshaq jaraqatynan kóz jumdy, dep habarlaıdy Kazinform.

Qaıǵyly oqıǵa 18 qazan kúni keshkisin Shyńǵyrlaý aýdany Shyńǵyrlaý aýylynda boldy.

BQO densaýlyq saqtaý basqarmasynyń baspasóz qyzmetiniń nmálim etkenindeı, atalǵan áıel 18 qazan kúni saǵat 21.18-de pyshaq jaraqatynan jedel járdem kelgenge deıin qaıtys bolǵan.

Aýyl turǵyndarynyń sózine qaraǵanda, 16 jasar jasóspirim óz anasyn óltirgen.

BQO polıtsııa departamenti qazirgi kezde oqıǵanyń mán-jaıy anyqtalyp jatqanyn, aqparattyń keıin beriletinin jetkizdi.

Eske sala keteıik, budan buryn BQO-daǵy bilim nysandarynda bala qaýipsizdigi qanshalyqty qamtamasyz etilip otyrǵanyn jazǵan bolatynbyz.