BQO-da 500 myń sharshy metrge jýyq baspana salynady

ORAL. QazAqparat – Batys Qazaqstan oblysynda bıyl barlyq qarjy kózderi esebinen 484,9 myń sharshy metr turǵyn úıdi paıdalanýǵa berý kózdelip otyr, dep habarlaıdy QazAqparat tilshisi.

BQO ákimdigi málim etkenindeı, sonymen qatar «Nurly jol» baǵdarlamasy aıasynda 35 turǵyn úı-kommýnaldyq sharýashylyq nysany kúrdeli jóndelmek.

2020 jyly bıýdjet qarajaty esebinen 10 kóppáterlik turǵyn úı jáne aýyldyq eldi mekenderde 88 baspana (barlyǵy 1830 páter) salý josparlanǵan. Sonyń ishinde «Turǵyn úı qurylys jınaq banki» salymshylary úshin kópqabatty - 7 (1067 páter) jáne Toqpaı aýylynda 20 turǵyn úı (120 páter) beriledi. Sondaı-aq jergilikti atqarýshy organdarda baspana kezeginde turǵandar úshin kópqabatty - 3 (540 páter) jáne aýyldarda 68 jer úı (103 páter) boı kóterýde.

«Nurly jer» memlekettik baǵdarlamasy aıasynda óńirde kondomınıým nysandaryn jańartý úshin 35 jobany júzege asyrýǵa respýblıkalyq bıýdjetten 458,28 mln teńge bólindi. Osy qarjyǵa Oral men Aqsaı qalalarynda 28 jolaýshylar lıftisi, 4 kóppáterlik turǵyn úıdiń shatyry jóndelip, Tasqala aýdanynda 3 kóppáterlik turǵyn úı jańǵyrtylmaq.