BQO-da 500-den astam sheteldik azamat jaýapqa tartyldy
ORAL. QazAqparat - Batys Qazaqstan oblysynda bes kúnde elde bolý erejesin buzǵan 501 sheteldik ákimshilik jaýapkershilikke tartyldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, 21-24 mamyr aralyǵynda júrgizilgen «Zańsyz kelýshi- 2018» jedel aldyn alý sharasyna kún saıyn 270 qyzmetker jumyldyryldy.
Sondaı-aq Qazaqstanǵa sheteldik azamattyń kelý erejesin saqtamaǵan 56 qazaqstandyq azamat jáne jumys kúshin tartý erejesin buzǵan 25 jumys berýshi jaýapqa tartyldy.
Shekaralyq tártipti jáne elde bolý erejesin buzǵan 20 sheteldik jazasyz qalmady. 3 sheteldik qoǵamdyq orynda tártip buzyp «kózge tústi».
Qazaqstan aýmaǵynan 101 sheteldik azamat shyǵaryldy. QR kóshi-qon zańnamasynyń talaptaryn buzǵan 187 sheteldikke elde bolý merzimi qysqartyldy.
BQO ishki ister departamenti qabyldaý-taratý ornyna qujatsyz júrgen 35 azamat jetkizildi. Sonymen qatar elden shyǵarý jónindegi sheshimdi oryndamaǵandarǵa qatysty QR QK 393-babyna sáıkes 7 qylmystyq is qozǵaldy.
