BQO-da 50 aýyldyń halqyna taza sý jetkizý kózdelýde

ORAL. QazAqparat - Batys Qazaqstan oblysynda bıyl 50 aýyldyń halqyna taza sý jetkizý kózdelýde, dep habarlaıdy «QazAqparat» tilshisi.

Oblys ákimi Altaı Kólginovtiń aıtýynsha, turǵyndardy tolǵandyryp júrgen, jergilikti basshylyq belgilegen basty baǵyttyń biri - alys eldi mekenderdi taza aýyz sýmen qamtý.

«2016 jyly óńirdegi 443 eldi mekenniń 37 paıyzy ǵana ortalyqtandyrylǵan sý kózine qosylǵan edi. Elbasynyń tapsyrmasyn oryndaý maqsatynda, Parlament depýtattary men Úkimettiń qoldaýymen ótken jyly 13 mlrd teńgege 60 aýylǵa taza aýyz sý jetkizý jumystaryn bastadyq. Nátıjesinde kórsetkishti 40 paıyzdan asyrdyq. Osy aýyldarda 77 myń halyq turady. Qazir oblystyń 178 eldi mekenine aýyz sý jetkizilgen. Bólingen qarjynyń 9 mlrd teńgesine 1100 shaqyrym sý qubyry tartyldy. Jumystar jalǵasýda», dedi Altaı Kólginov.