BQO-da 5 jasar balanyń tokqa soǵylý deregi boıynsha is sotqa joldandy
BQO polıtsııa departamentiniń baspasóz qyzmetinen málim etkenindeı, is QR QK 371-baby 2-bóligine (abaısyzda aýyr zardaptarǵa ákep soqqan salǵyrttyq) sáıkes tergelgen.
«Qylmystyq is «Batys Qazaqstan aımaqtyq elektr jelilik kompanııasy» JShS Jańaqala aýdany boıynsha basshylyǵyna qozǵalǵan. Іsti Jańaqala aýdandyq soty qaraıtyn bolady. Atalǵan bap boıynsha aıypty dep tanylǵan adam belgili bir laýazymdy atqarý nemese bir qyzmetpen aınalysý quqyǵynan úsh jylǵa deıingi merzimge aıyra otyryp, tórt myń AEK-ke deıingi mólsherde aıyppul salýǵa ne sol mólsherde túzeý jumystaryna ne bir myń saǵatqa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady», dep habarlady vedomstvodan.
Eske sala keteıik, budan buryn BQO-da tok soǵyp, eki qolynan aıyrylǵan bala oqıǵasy boıynsha qylmystyq is qozǵalǵanyn jazǵan bolatynbyz.
Sondaı-aq Oralda tok soǵyp, eki qolynan aıyrylǵan balanyń ata-anasyna páter berildi.