BQO-da 5 úı aýlasynyń órtenýine qatysty qylmystyq is qozǵaldy
ORAL. QazAqparat – Batys Qazaqstan oblysynda 5 úıdiń qorasyndaǵy pishen men sabannyń, úı qustary men maldyń otqa oranýyna qatysty qylmystyq is qozǵaldy, dep habarlaıdy QazAqparat tilshisi.
30 qyrkúıekke qaraǵan túni Dostyq aýylynda belgisiz bireýler 5 úıdiń shóp qoralaryna ot qoıǵan bolatyn.
Báıterek aýdany polıtsııa bóliminiń bastyǵy Sultan Shaldarbekovtiń aıtýynsha, qazirgi tańda qylmystyń izin sýytpaı ashý maqsatynda jedel-izdestirý sharalary júrgizilýde.
Atalǵan derek boıynsha QR QK 202-babyna sáıkes qylmystyq is qozǵaldy.
Prıýral polıtsııa bólimi tergep-tekserý amaldaryn júrgizip jatyr.
Eske sala keteıik, budan buryn BQO-da bir mezgilde 8 úıdiń aýlasy órtengenin jazǵan bolatynbyz.
