BQO-da 413 aýyldyń 307-si ortalyqtandyrylǵan aýyz sýmen qamtylǵan

ORAL. KAZINFORM — Batys Qazaqstan oblysynda aýyl halqynyń 97 paıyzy aýyz sýmen qamtylyp otyr.

BQO qurylys basqarmasynyń basshysy Nurken Moldashevtiń málim etkenindeı, óńirde 413 aýyldyń 307-sine ortalyqtandyrylǵan sý jetkizilgen.

Nurken Edilulynyń sózine qaraǵanda, bıylǵy jyly 9 mlrd teńgege 15 aýyl ortalyqtandyrylǵan sýmen jabdyqtalyp, 40 eldi mekende keshendi blok-modýl ornatylmaqshy.

— Bıyl jyl sońynda 8 myńdaı adam taza aýyz sýmen qamtylady. Nátıjesinde oblys halqy 100 paıyz ortalyqtandyrylǵan aýyz sýmen qamtamasyz etiletin bolady. Osy oraıda aýyz sýdyń sapasyna erekshe mán beriledi, — dedi N.Moldashev.

Basqarma málimetine qaraǵanda, ótken jyly 35 myńnan astam turǵyny bar 20 aýylǵa sý qubyry tartylyp, bul maqsatqa 5,7 mlrd teńge bólindi. Sonymen qatar shamamen 1 myń turǵyny bar 12 eldi mekende keshendi blok-modýlder ornatylǵan edi.

Eske sala keteıik, Batys Qazaqstan oblysynda eki aýyldyń aýyz sýmen qamtylǵanyn jazǵan bolatynbyz.