BQO-da 406 myń dana maskany Qazaqstannan Reseıge alyp bara jatqan júrgizýshi ustaldy
ORAL. QazAqparat – Batys Qazaqstan oblysynda 406 myń dana maskany Qazaqstannan Reseıge alyp bara jatqan júrgizýshi ustaldy, dep habarlaıdy QazAqparat tilshisi.
QR UQK Shekara qyzmeti 2029-áskerı bólimi komandıriniń orynbasary Asqar Qazbekovtiń málim etkenindeı, oqıǵa 15 sáýir kúni saǵat 20.00-de «Syrym» avtoótkelinde tirkeldi.
Qazaqstandyq azamat aıdap bara jatqan «DAF» júk kóligin teksergen kezde bir ret qoldanylatyn 406 myń dana maska tabyldy.
Onyń bastapqy quny – 36,108 mln teńge.
Qazaqstanda dári-dármek pen medıtsına buıymdaryn syrtqa áketýge tyıym salynǵany belgili.
Materıal BQO boıynsha ekonomıkalyq tergeý departamentine berildi.
Eske sala keteıik, budan buryn 22 myń maskany alyp ketip bara jatqan reseılik azamattyń ustalǵanyn, BQO-da sońǵy tirkelgen eki naýqas ta Reseıden kelgenin jazǵan bolatynbyz.
