BQO-da 400-den astam saqshy merekelik marapatqa ıe boldy

ORAL. QazAqparat - Oralda Otan qorǵaýshylar kúnine jáne Jeńistiń 72 jyldyǵyna oraı ishki ister organdary qyzmetkerleriniń qatysýymen saltanatty shara ótkizildi, dep habarlaıdy «QazAqparat» tilshisi.

BQO ІІD baspasóz qyzmetinen túsken málimetke qaraǵanda, aldymen QR Іshki ister mınıstri Q.Qasymovtyń quttyqtaý haty oqyldy. Budan keıin departament bastyǵynyń orynbasary, polıtsııa polkovnıgi Ǵanı Tólebaev sala ardagerleri men áriptesterimen qos merekemen quttyqtap, el  tynyshtyǵyn saqtaýǵa óz úlesin qosyp kele jatqan saqshylarǵa alǵysyn bildirdi.

Saltanatty jıynda tártip saqshylarynyń birqatary arnaýly shender alsa, minsiz qyzmetimen kózge túsken polıtseıler túrli marapatqa ıe boldy. Mysaly, BQO ІІD jol-patrýldik polıtsııa batalonynyń polıtseıi Serik Irmuhambetov «Quqyq tártibin qamtamasyz etýde qosqan úlesi úshin» keýdebelgisimen marapattalsa, Terekti aýdany Aqjaıyq polıtsııa bóliminiń aǵa tergeýshisi, polıtsııa maıory Asylbek Tilekov QR ІІM Qurmet gramotasyna ıe boldy. Osy kúni QR Іshki ister mınıstriniń buıryǵymen 12 jáne BQO ІІD bastyǵynyń buıryǵymen 413 qyzmetker marapattaldy.