BQO-da 40 muǵalimge tıesili syıaqysy berilmegeni anyqtaldy

ASTANA. KAZINFORM – Batys Qazaqstan oblysy Shyńǵyrlaý aýdanynyń prokýratýrasy taldaý júrgizý barysynda 40 muǵalimniń eńbekteri úshin syıaqy alýǵa konstıtýtsııalyq quqyqtaryn buzý faktilerin anyqtady.

Atap aıtqanda, 2024 jyly aýdandyq bilim basqarmasy 40 muǵalimge jalpy somasy 2,4 mıllıon teńge kólemindegi jol aqysyn tólemegen. Al QR Konstıtýtsııasy 24-babynyń 2-tarmaǵyna sáıkes árkimniń qaýipsizdik pen tazalyq talaptaryna saı eńbek etý jaǵdaıyna, eńbegi úshin nendeı bir kemsitýsiz syıaqy alýyna, sondaı-aq jumyssyzdyqtan áleýmettik qorǵalýǵa quqyǵy bar.

- Eńbek kodeksi 127-babynyń 2-tarmaǵynyń 1), 2) jáne 3)-tarmaqshalaryna sáıkes issaparǵa jiberilgen qyzmetkerlerge issaparda bolǵan kúntizbelik kúnderi úshin, onyń ishinde joldaǵy
ýaqyty úshin táýliktik tólemder, baratyn jerine deıingi jáne keri qaıtqandaǵy jol júrý shyǵystary, turǵyn úı-jaıdy jalǵa alý shyǵystary tólenedi.

Prokýratýranyń usynýy boıynsha jalpy somasy 2,4 mıllıon teńge quraıtyn jol aqysy tólendi, kináli laýazymdy tulǵa tártiptik jaýapkershilikke tartyldy, - dep jazdy prokýratýradan.

Aıta keteıik, alaıaq BQO turǵyndaryn 200 mln teńgege otyrǵyzyp ketken.