BQO-da 4 jasar bala qudyqqa qulap ketip, mert boldy
ORAL. QazAqparat – Batys Qazaqstan oblysynda 4 jasar qyz bala qudyqqa qulap ketip, kóz jumdy, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen málim etkendeı, oqıǵa 23 tamyz kúni Jańaqala aýdany Jańaqazan aýylynda boldy.
Saǵat 10.30-da eresekterdiń qaraýynsyz qalǵan 2016 jyly týǵan bala jeke úıdiń aýlasyndaǵy ashyq turǵan, sýy bar qudyqqa (tereńdigi 2,5 metr) qulap, batyp ketken.
Qyzdyń denesin jergilikti turǵyndar saǵat 10.40-ta shyǵaryp aldy.
Bul – Jańaqala aýdanynda bıyl oryn alǵan ekinshi qaıǵyly oqıǵa.
Eske sala keteıik, budan buryn BQO-da eki balanyń qudyqqa qulap, qaza tapqanyn jazǵan bolatynbyz.
