BQO-da 4 tonna zyǵyr dániniń tuqymy tıelgen júk kóligi órtendi
ORAL. QazAqparat - Batys Qazaqstan oblysynda 4 tonna zyǵyr dániniń tuqymy tıelgen júk kóligi órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 19 mamyr kúni saǵat 17.13-te Terekti aýdany aýmaǵynda boldy.
Samara-Shymkent jolynda Jańaómir aýylyna burylar tusta 1983 jylǵy júrgizýshi rýlge ıe bola almaı, GAZ-53 avtokóligi aýdarylyp qalǵan.
Sonyń saldarynan avtokólik otqa oranyp, tuqym ishinara órtendi.
Zardap shekkender joq.
«Tilsiz jaý» saǵat 18.10-da tolyqtaı aýyzdyqtaldy.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Oralda bir kúnde eki úıde órt bolǵanyn jazǵan edik.
