BQO-da 4 mln astam teńgeni zańsyz aýdarǵan mekeme býhgalteri sottaldy

ORAL. QazAqparat – Jánibek aýdandyq sotynda «Balalar-jasóspirimder týrızmi jáne ekologııa ortalyǵy» KMM býhgalteri Aqsulý Ibraevaǵa qatysty úkim shyqty, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttigi BQO boıynsha departamentiniń baspasóz qyzmetinen málim etkenindeı, A.Ibraeva senip tapsyrylǵan bóten múlikti iri mólsherde ıemdený nemese talan-tarajǵa salý deregi boıynsha aıypty dep tanyldy.

Atalǵan laýazymdy qyzmetker ETsQ paıdalaný arqyly mekeme qyzmetkerleriniń, sondaı-aq basqa da adamdardyń jeke shotyna 4 mln astam teńgeni zańsyz aýdaryp jibergen.

Sot úkimimen A.Ibraevaǵa múlkin tárkilemeı 3 jyl 6 aıǵa bas bostandyǵyn shekteý jazasy kesildi. Sondaı-aq ol 3 jyl merzimge materıaldyq-jaýapty laýazymdarǵa ornalasýǵa baılanysty qyzmetpen aınalysý quqyǵynan aıyryldy.

Sot úkimi zańdy kúshine engen joq.

Eske sala keteıik, budan buryn Oralda jazasyn óteýshilerdi uryp-soqqan kolonııa qyzmetkerleriniń sottalǵanyn jazǵan edik.