BQO-da 4 mektep karantınge jabyldy
BQO sanıtarlyq-epıdemıologııalyq baqylaý departamenti málim etkenindeı, sonyń 62-si dástúrli sıpatta, 100-i qashyqtan oqıdy.
Oqý jyly bastalǵannan beri 791 oqýshynyń indet juqtyrǵany rastaldy.
Qazirgi tańda qala men aýdandardyń bas memlekettik sanıtar dárigerleriniń qaýlysyna sáıkes 4 mektep tolyqtaı karantınge jabyldy. Sondaı-aq 29 mektepte 66 synypta, 6 balabaqshada 8, 1 JOO-da 2 topta osyndaı shekteýler engizildi.
Departament málimetine qaraǵanda, jyl basynan beri 8286, sonyń ishinde sáýirde 2361 adamnan koronavırýs tabyldy.
Sońǵy aptada (13-19 sáýir) aldyńǵymen (6-12 sáýir) salystyrǵanda, indet juqtyrý kórsetkishi 18,6 paıyzǵa (821-den 1009-ǵa) ósti.
Sáýir aıynda aýyrǵandardyń 55 paıyzy (1300-i) Oral qalasynda, 12,5 paıyzy (297-si) Bórli aýdanynda, 11,5 paıyzy (273-i) Báıterekte tirkelgen.
Baǵalaý matrıtsasyna sáıkes Oral qalasy, Aqjaıyq, Terekti, Bórli, Báıterek, Qaztalov jáne Shyńǵyrlaý aýdandary «qyzyl», Tasqala «sary», Bókeı ordasy, Syrym, Jańaqala, Qaratóbe jáne Jánibek «jasyl» aımaqta tur.
Osy aıda buryn aýyrǵandarmen baılanysta bolǵan 4217 adam medıtsınalyq baqylaýǵa alyndy. 44251 PTR zertteý (kúnine orta eseppen 2329) júrgizildi.
«1 sáýirden beri monıtorıngtik toptar 500 reıd júrgizip, 3044 nysandy qamtydy. 19 nysanda karantın talabyn buzýshylyq anyqtaldy. 5,3 mln astam teńgege 82 hattama toltyryldy», dep habarlady vedomstvodan.
Eske sala keteıik, budan buryn Batys Qazaqstanda bir aptada koronavırýs juqtyrǵandar sany 1 myńnan asqanyn jazǵan edik.
