BQO-da 4 kún buryn joǵalyp ketken stýdent óli tabyldy

ORAL. QazAqparat – Batys Qazaqstan oblysynda joǵalyp ketken stýdenttiń denesi Jaıyq ózeninen tabyldy.

BQO TJ departamentiniń baspasóz qyzmetinen málim etkenindeı, oqıǵa Aqjaıyq aýdanynda boldy.

«Bazarsholannan Taıpaq aýylyna qaraı 10 shaqyrym jerde 25 tamyz kúni jergilikti saǵat 11.35-te jedel qutqarý jasaǵy (3 qutqarýshy, 1 tehnıka, 1 júzý quraly) 18 jasar jigittiń denesin Jaıyq ózeninen alyp shyqty. Ol kıimsheń kúıinde sýǵa batyp ketken», dep habarlady vedomstvodan.

Týystarynyń sózine qaraǵanda, Oral qalasynda turǵan stýdent jaz kezinde Qydyrbaı qystaǵyndaǵy aǵaıyndaryna mal baǵysýǵa kelgen.

Eske sala keteıik, budan buryn BQO-da habarsyz ketken stýdenttiń tórtinshi kún izdestirilip jatqanyn jazǵan bolatynbyz.