BQO-da 4 adam qaza tapqan jol apaty: Eki adam sanavıatsııamen Oralǵa jetkizildi

ORAL. KAZINFORM — Batys Qazaqstan oblysynda Samara-Shymkent jolynda bolǵan jol apatynan keıin eki adam Oralǵa jetkizildi.

BQO densaýlyq saqtaý basqarmasy baspasóz qyzmetiniń naqtylaýynsha, Qaratóbe aýdany Qoskól aýyly tusynda bolǵan jol-kólik oqıǵasy jóninde 22 maýsym kúni saǵat 07.54-te shaqyrtý túsken.

«Qoskól aýylynan jedel medıtsınalyq járdem brıgadasy barǵan. Jol apatynan 4 adam kóz jumsa, 1977 jáne 1952 jylǵy áıelder Syrym aýdandyq aýrýhanasyna, keıin sanavıatsııamen oblys ortalyǵyna jetkizildi. Qalalyq kópbeıindi aýrýhananyń hırýrgııa bólimshesine jatqyzylǵan 72 jastaǵy áıeldiń jaǵdaıy ortasha aýyr. Neırohırýrgııa bólimshesine ornalastyrylǵan 47 jastaǵy áıeldiń jaǵdaıy aýyr», — dep habarlady vedomstvodan.

Eske sala keteıik, Batys Qazaqstanda jol apatynan tórt adamnyń kóz jumǵanyn jazǵan bolatynbyz.