BQO-da 4 720 jumyskerdiń quqyǵy qorǵaldy: 51 uıymda zańbuzýshylyq anyqtaldy
ASTANA. KAZINFORM — Batys Qazaqstan oblysynda 51 uıymda qyzmetkerlerdi óndiristegi jazataıym oqıǵalardan mindetti saqtandyrý bolmaǵan. Prokýratýranyń aralasýynan keıin 4 720 jumysker saqtandyrýmen qamtyldy. Bul týraly BQO prokýratýrasy málim etti.
Batys Qazaqstan oblysynyń prokýratýrasymen eńbek zańnamasynyń saqtalýyna taldaý júrgizildi.
Nátıjesinde 51 uıymda qyzmetkerlerdi eńbek mindetterin atqarý kezinde jazataıym oqıǵalardan mindetti saqtandyrýdyń bolmaý faktileri anyqtaldy.
— Prokýrorlyq qadaǵalaý sharalarynyń nátıjesinde 4 720 qyzmetkerdiń konstıtýtsııalyq quqyqtary qalpyna keltirilip, olar eńbek mindetterin atqarý kezinde jazataıym oqıǵalardan mindetti saqtandyrýmen qamtyldy, — delingen habarlamada.
Qabyldanǵan sharalar óndiristik jaraqat alý, eńbekke qabilettiliginen aıyrylý nemese qyzmetkerdiń qaıtys bolýy jaǵdaıynda olardyń áleýmettik qorǵalýyn qamtamasyz etýge baǵyttalǵan.
Azamattardyń eńbek quqyqtaryn qorǵaý baǵytyndaǵy jumys jalǵasady.
Buǵan deıin Oralda óz kompanııasynan 2,2 mln AQSh dollaryn jymqyrǵan kásipker sottalǵanyn jazdyq.
