BQO-da 4,5 tonna pishen men eki qora órtendi
BQO TJ departamentiniń baspasóz qyzmeti málim etkenindeı, oqıǵa 18 sáýir kúni Shyńǵyrlaý aýdanynda boldy.
Saǵat 13.08-de Aşysaı aýyldyq okrýgi Myrzaqora eldi mekeninde, órt sóndirý beketinen 30 shaqyrym jerde 4,5 tonna pishen men eki sharýashylyq qurylysy otqa orandy.
Aýmaǵy 225 sharshy metrdi quraǵan órt saǵat 14.10-de oqshaýlandy. Qazirgi kezde órt sóndirilip jatyr.
Departament málimetine qaraǵanda, sondaı-aq búgin saǵat 17.00-de Samara-Shymkent joly boıynda Terekti aýdany Uzynkól aýyly tusynda avtokólik órtenip ketti.
Oral qalasynda saǵat 16.07-de Almaty kóshesi 109/1-mekenjaıynda 5 qabatty úıde órt boldy. Birinshi qabattaǵy páterde jeke zattar jandy. Oqıǵa ornynan páter ıesi, 62 jastaǵy er adam qutqarylyp, aýrýhanaǵa jatqyzyldy.
Saǵat 16.32-de sóndirilgen bul órt aldyn ala boljam boıynsha otpen abaı bolmaýdan shyqqan.
Eske sala keteıik, budan buryn Batys Qazaqstanda 2,5 tonna zańsyz balyq tıelgen kólik aýdarylyp qalǵanyn jazǵan bolatynbyz.
