BQO-da 392,5 mln. astam teńgeni quraǵan 12 memlekettik satyp alýdyń kúshi joıyldy

ORAL. QazAqparat - Memleket basshysy «100 naqty qadam» Ult josparyn júzege asyrý baǵytynda Úkimet pen atqarýshy organdarǵa bıýdjet qarjysyn ornymen ıgerip, tıimdi jumsaý maqsatynda tıisti tapsyrmalar bergen bolatyn.

Osy oraıda BQO boıynsha ishki memlekettik aýdıt departamenti óz jumysyn júıeli atqaryp keledi. Bul týraly departament basshysy Meńdihan Luqpanov málim etti.

Onyń aıtýynsha, departament bıyl da respýblı­kalyq jáne jergilikti bıýdjet­tiń turaqty túrde oryndalýy­­nyń QR zańna­ma­laryna sáıkestigin nazarda ustady, memlekettik satyp alý týraly zań­namanyń saqtalýyn qadaǵalap, qarjylyq eseptilik pen býhgalterlik esepke baqylaý júr­gizdi. Atap aıtqanda, departament bıylǵy segiz aıda 21 bıýdjettik baǵdar­lamalar ákimshisinen 80 nysan boıynsha 95 aýdıtorlyq tekserý júrgizip, munyń jalpy somasy 2 877 246,3 myń teńgeni qurady. Sonyń ishinde  kvazımemlekettik sektorlarynyń basqarý jáne qol­daný aktıvteri boıynsha 735,0 myń teńge,  bıýdjet qarajatynyń qoldanylýy boıynsha 119 395,8 myń teńgege zańbuzýshylyq  anyq­taldy. Rásimdik sıpattaǵy buzýshylyqtar, múddeli jarııa uıym­dardyń depozıtarııge qarjy­lyq eseptilikti ýaqtyly usynbaýy, mem­leket baqylaıtyn aktsıonerlik qoǵamdardyń, jaýapkershiligi shekteýli seriktestikterdiń jáne memlekettik kásiporyndardyń da­mý josparlaryn ázirleý, bekitý tártibiniń buzylýy, bastapqy býh­galterlik qujattamalardy, sonyń ishinde býhgalterlik anyqtamalar­dy resimdeýdiń buzylýy, kassa­lyq operatsııalardy esepke alý jáne júrgizý tártibiniń buzylýy,  basqa da zańbuzýshylyqtar kel­tirgen zııan 2 031 205,2 myń teń­geni qurap otyr.

Bıylǵy segiz aıdaǵy tekseris qorytyndysy boıynsha bıýdjet qa­­rajatyn qalpyna keltirý men óndiriletin somanyń jalpy somasy 2 479 965,3 myń teńgeni qura­dy, aýqymdy jumystyń nátıje­sinde orynsyz jumsalǵan mem­leket qarajatynyń 93 paıyzy memleketke qaıtaryldy.

Sonymen qatar qazir elimizdegi kókeıkesti máseleniń biri - memlekettik satyp alý ekendigi kópshilikke aıan. Bıylǵy segiz aıda 1 100 203,0 myń teńgege 68 memlekettik satyp alý ótki­zil­se, sonyń 1 057 218,0 myń teńge­si zańbuzýshylyqpen júrgizilgeni anyqtaldy. 392 549,0 myń teńge­ni quraǵan 12 memlekettik satyp alý kúshin joıdy.

Departament júrgizgen tek­se­risterdiń nátıjesinde oblys boıynsha 101 laýazymdy, 8 zańdy tulǵa QR Ákimshilik quqyqbuzý­shylyq kodeksi boıynsha jaýap­kershilikke tartylyp, olarǵa ákim­­shilik aıyppul salyndy. Sony­men qatar 54 túrli laýazymdy tul­ǵa tekseris qorytyndysy bo­ıynsha tártiptik jaýapkershi­lik­ke tartylyp, 1 qyzmetker ju­my­synan  bosatyldy.

Departament tekserisiniń qo­rytyndysy boıynsha quqyq qor­ǵaý organdaryna 3 aýdıtorlyq is-shara protsestik sheshim shyǵarý úshin joldandy, sonyń ishinde 1 aýdıtorlyq is-shara boıynsha qylmystyq is qozǵaldy.

QR Úki­me­tiniń 2011 jylǵy 14 qazandaǵy №1173 qaýlysyna sáıkes jarııa múd­deli uıymdar qarjylyq esepterin belgilengen tártip boıyn­sha qarjylyq esep depozıtarııine jyl saıyn 31 tamyzdan keshiktirmeı tapsyrýy tıis. Alaıda atalmysh qaýlynyń talaptaryn durys oryndamaýlaryna baıla­nysty QR Ákimshilik quqyqbuzý­shylyq kodeksiniń 239-baby bo­ıynsha 13 zańdy tulǵa ákimshilik jaýapkershilikke tartyldy.

Departamentte sybaılas jem­qorlyq kórinisterine tózbeýshilik jaǵdaıyn jasaý maqsatynda tu­raqty túrde baqylaý nysanda­ryn­da saýalnama júrgizilip, qu­­qyq qorǵaý organdarymen sybaı­las jemqorlyqtyń aldyn alý maq­satynda dóńgelek ústel otyrystary men semınarlar ótkizilýde.

«Elbasy tapsyrmasyna sáıkes búgingi tańda sybaılas jemqorlyqpen kúres sheshýshi máselege aınalyp otyr. Osyǵan oraı departament budan bylaı da talap deńgeıin tómendetpeı, óz jumysyn bıik jaýapkershilik turǵysynan atqara beretin bolady», dep túıindedi oıyn M.Luqpanov.