BQO-da 37 adam mingen avtobýs órtenip ketti
ORAL. KAZINFORM — Batys Qazaqstan oblysynda jol boıynda avtobýstyń janyp jatqany túsirilgen beınejazba taraldy.
Beınejazbada avtobýstan jolaýshylardyń shyǵyp kele jatqany kórinedi. Olardyń arasynda jasy ulǵaıǵan adamdar, balaly áıelder bar.
- Oral men Qaratóbe arasynda qatynaıtyn avtobýs. Áreń qutylyp shyqtyq, - deıdi jolaýshylardyń biri.
BQO TJ departamentiniń baspasóz qyzmetinen málim etkenindeı, 8 tamyz kúni keshke jedel kezekshiniń pýltine Terekti aýdanynda Samara-Shymkent avtojolynyń Shalqar kóline burylatyn tusynda avtobýstyń órtenip jatqany jóninde habarlama túsken.
- Avtobýs salonynda 37 jolaýshy bolǵan. Olar qaýipsiz jerge ózderi shyqqan. Zardap shekkender joq. Órt BQO TJD jeke quramynan 8 adam jáne 2 tehnıkanyń jedel ári úılesimdi áreketiniń arqasynda tolyq sóndirildi. Qazirgi kezde órttiń sebebi anyqtalý ústinde, - dep habarlady vedomstvodan.
Eske sala keteıik, budan buryn Oralda qatty turmystyq qaldyqtar polıgony órtengenin jazǵan edik.
