BQO-da 3500 gektar jer telimi memleketke qaıtaryldy

ASTANA. KAZINFORM – BQO Qaratóbe aýdanynyń prokýratýrasy jer zańnamasynyń saqtalýyna qatysty júrgizgen baqylaý nátıjesinde qoldanbaı kelgen sharýashylyqtar anyqtaldy. Bul týraly BQO prokýratýrasynyń baspasóz qyzmeti málim etti.

«Aýyl sharýashylyǵy maqsatyndaǵy jerlerdi paıdalanýdyń zańdylyǵyn taldaý barysynda aýdanda jer telimin qoldanbaı kelgen sharýashylyqtar anyqtalyp, qabyldanǵan sharalar nátıjesinde 3500 ga astam jer telimi memleketke qaıtaryldy», — delingen habarlamada.

Qaıtarylǵan jerlerdiń jalpy kadastrlyq quny 45 mln teńgeden astam somany qurady.

Osy oraıda Qaratóbe aýdanynyń prokýratýrasy aýyl sharýashylyq taýar óndirishýlerine jer telimderin qoldanystaǵy zańnamaǵa sáıkes maqsaty boıynsha paıdalaný qajettigin túsindiredi.