BQO-da 300-den astam adam qar qursaýynan qutqaryldy
ORAL. QazAqparat - Batys Qazaqstan oblysynda 300-den astam adam qar qursaýynan qutqaryldy, dep habarlaıdy QazAqparat tilshisi.
Keshe saǵat 17.40-ta Tasqala aýdanynda Oral - Saratov jolynyń 50-70 km aralyǵynda 31 jeńil kólikke járdem berildi. 59 adam qutqarylsa, sonyń beseýi - balalar. 8 adam evakýatsııalansa, sonyń altaýy - balalar.
Búgin túngi saǵat 00.30-da osy aýdanda Oral - Tasqala - RF shekarasy jolynyń 50-104 km aralyǵynda, Tasqala - Oıan jolynyń 65-shaqyrymynda 1 jolaýshylar tasıtyn «ÝAZ», 74 jeńil jáne 2 júk kóligi tazartylǵan jerge shyǵaryldy. Bularda 265 adam bolsa, sonyń 12-si - balalar. 6 adam (bireýi - bala) evakýatsııalandy.
«Qazavtojol» JShS BQO fılıalynyń málimeti boıynsha búgin tańǵy saǵat 08.00-den bastap qatty boran men jeldiń jyldamdyǵy sekýndyna 18-20 metrge deıin jetýine baılanysty respýblıkalyq mańyzy bar Oral - Tasqala - RF shekarasy (31-104 km, Peremetnyıdan shekaraǵa deıin) jáne Qaztalov - Jánibek (0-165 km) joldary barlyq kólik túrleri úshin qaıtadan jabyldy.
BQO TJ departamenti oblystyq joldardyń áli ashylmaǵanyn jetkizdi.
Eske sala keteıik, keshe BQO-da joldar jabylyp, aýa raıyna baılanysty taǵy da eskertý jarııalanǵanyn jazǵan bolatynbyz.
Keshe túnge qaraı óńirdegi barlyq joldar jabylǵan edi.
