BQO-da 30 jasar turǵyn pyshaq jaraqatynan mert boldy
ORAL. QazAqparat - Jańaqala aýdanynda 30 jasar turǵyn pyshaq jaraqatynan mert boldy, dep habarlaıdy QazAqparat tilshisi.
Oqıǵa aýdan ortalyǵy Jańaqala aýylynda oryn aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, búgin túngi saǵat 00.35-te beıtanys adam óz kóligimen 1989 jylǵy turǵyndy aýrýhanaǵa alyp kelgen. Jigit ota kezinde saǵat 03.05-te qaıtys boldy.
«1986 jylǵy er adam aýdandyq aýrýhananyń hırýrgııa bóliminde. Ol da pyshaq jaraqatyn alǵan», dedi QazAqparat tilshisine A.Saqposynova.
BQO polıtsııa departamentiniń baspasóz qyzmetinen túsken málimetke qaraǵanda, kisi óltirý qylmysyna qatysty QR QK 99-baby 1-bóligine sáıkes is qozǵalyp, kúdiktilerdi anyqtaý jáne ustaý baǵytynda jedel izdestirý sharalary júrgizilýde.
