BQO-da 3 jasar balany qutqarǵan oqýshy arnaıy marapatqa ıe boldy

ORAL. QazAqparat - Qaztalov aýdany Ǵ.Begalıev atyndaǵy mekteptiń 7-synyp oqýshysy Nurdáýlet Aıbolatov Oralda ótken «Jomart júrek - 2018» atty metsenattardy marapattaý forýmynda arnaıy dıplomǵa ıe boldy, dep habarlaıdy QazAqparat tilshisi.

Jas batyr Nurdáýlet Asqaruly «Batyl júrek» atalymymen marapattaldy.

Qoshankól aýylynda turatyn Nurdáýlet bıylǵy 5 mamyrda toǵanǵa batyp bara jatqan úsh jasar balany aman alyp qalǵan edi.

«Óńirdegi tańdaýly metsenattarmen birge balamnyń marapattalýy, árıne, bizdiń otbasy úshin úlken qýanysh. Aýylda elmen birge qarapaıym turmys keshýdemiz. Joldasym Asqar Atkeshev - «Nurdáýlet» atty shaǵyn qojalyqtyń jetekshisi, ekeýmiz úsh ul tárbıelep, ósirip otyrmyz. Nurdáýlet - kenjemiz. Úlkenderi Danııar men Baqtııar úılengen, Aıdana, Lýnara esimdi kelinderimiz, tórt nemeremiz bar. Ózim mektep aldy daıarlyq tobynyń tárbıeshisimin. Osyndaı uldarymyz el úmitin aqtaı bersin. Táýelsiz Qazaqstanymyzdyń aldaǵy ýaqytta da gúldenip, damı berýine tilekshimiz», - dedi QazAqparat tilshisine Nurdáýlettiń anasy Gúljan Sısenova.

Eske sala keteıik, budan buryn Nurdáýlettiń úsh jasar balany qutqaryp qalǵanyn jáne Qutqarýshy kúnine oraı «Sýǵa batqandardy qutqarǵany úshin» medalimen marapattalǵanyn jazǵan bolatynbyz.