BQO-da 3 myńnan astam memlekettik qyzmetshi synaqtan ótti

ORAL. QazAqparat - Batys Qazaqstan oblysynda 3126 memlekettik qyzmetshi testileýden ótti. Bul týraly búgin Ortalyq kommýnıkatsııalar qyzmeti óńirlik fılıalynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi BQO boıynsha departamentiniń basshysy Bolat Isaqov málim etti, dep habarlaıdy «QazAqparat» tilshisi.

Onyń aıtýynsha, sonyń ishinde úsheýi ǵana tapsyrmalardy oryndaı almaǵan. Memlekettik qyzmetshilerdi attestatsııalaý 1 shildege deıin jalǵasady, qorytyndysy da sol kezde shyǵarylatyn bolady.

Bıylǵy 1 sáýirdegi málimet boıynsha oblysta 461 memlekettik organ tirkelse, olardaǵy shtat sany - 4444. Sonyń ishinde jeti adam saıası qyzmetshi bolsa, «A» korpýsy laýazymy - 19, «B» korpýsyna jatatyndar - 4418.

Jyl basynan beri memlekettik organdar 364 bos ákimshilik memlekettik qyzmet laýazymdaryna konkýrstar ótkizgen. Jalpy konkýrs 209 bos laýazymǵa ótkizildi. Oǵan qatysqan 485 úmitkerdiń 197-si memlekettik qyzmetke kirisýge múmkindik aldy.

Bıyl 396 memlekettik qyzmetshini oqytý josparlansa, qazirdiń ózinde 210-y nemese 53 paıyzy oqytyldy.

«Úsh aıda 12 tekseris júrgizilip, sonyń nátıjesinde 112 zańbuzýshylyq anyqtaldy. Ádep jónindegi keńestiń tórt otyrysy ótip, 25 másele, 15 tártiptik is qaraldy. 11 memlekettik qyzmetshige tártiptik jaza qoldanýǵa usynys jasalsa, sonyń jeteýi memlekettik qyzmetke kir keltiretin tártiptik teris qylyqqa barǵan, tórteýi Ádep kodeksin buzǵan», dedi B.Isaqov.