BQO-da 3 kólik soqtyǵysyp, eki adam qaza tapty

BQO polıtsııa departamentiniń baspasóz qyzmeti málim etkenindeı, oqıǵa 10 naýryz kúni shamamen saǵat 17.15-te Samara-Shymkent tasjolynda Syrym aýdany Alǵabas aýyly mańynda boldy.
«KamAZ» jáne DAF júk kóligi soqtyǵysty. Sonyń saldarynan DAF kóliginiń júrgizýshisi oqıǵa ornynda kóz jumdy. Qutqarý jumystary kezinde «KamAZ» avtokóligin tizgindegen 35 jastaǵy júrgizýshi esin jımastan, qaıtys boldy. Sodan keıin sol tustan ótip bara jatqan «VAZ-2115» jeńil avtokóligi toqtap turǵan «KamAZ»-ben túıisken. Jeńil kóliktiń 21 jastaǵy júrgizýshisi, 55 jáne 36 jastaǵy eki jolaýshysy túrli jaraqatpen aýrýhanaǵa jetkizildi.
Qazirgi kezde QR QK 345-babyna sáıkes sotqa deıingi tergeý amaldary júrgizilýde», - dep habarlady vedomstvodan.
Eske sala keteıik, budan buryn Batys Qazaqstanda boranǵa baılanysty Atyraý jáne Aqtóbe baǵytyndaǵy joldar jabylǵanyn jazǵan bolatynbyz.