BQO-da 29 jastaǵy jigit gaz tapanshasynan jaraqat aldy
ORAL. QazAqparat – Oralda er adam burynǵy áıeliniń kúıeýin gazdy tapanshadan jaraqattady, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 6 aqpan kúni keshkisin boldy.
Oralda 33 jastaǵy er adam burynǵy áıeliniń úıine kelip, ekeýine ortaq 7 jáne 5 jastaǵy balalaryn kórgisi kelgen. Sodan janjal týyndap, oǵan áıeldiń qazirgi kúıeýi aralasqan. Sol kezde er adam gazdy tapanshamen atyp jibergen. 29 jastaǵy jigit kúıik jaraqatyn alǵan.
Qazirgi kezde QR Qylmystyq kodeksiniń 293-baby 3-bóligine (buzaqylyq) sáıkes tergeý amaldary júrgizilýde.
Oblystyq densaýlyq saqtaý basqarmasy baspasóz qyzmetiniń naqtylaýynsha, jedel járdem Sh.Aıtalıev kóshesi, 3-úıge saǵat 20.13-te shaqyryldy. Mańdaı tusynan jaraqat alǵan 29 jastaǵy jigit qalalyq kópbeıindi aýrýhanaǵa jetkizildi.
Aýrýhanadan túsken málimetke qaraǵanda, onyń bas súıekteri zaqymdanbaǵan. Medıtsınalyq kómek kórsetilgennen keıin jigit aýrýhanaǵa jatýdan bas tartty.
Eske sala keteıik, budan buryn Oralda jastar tóbelesip, bireýi kóz jumǵanyn jazǵan bolatynbyz.
