BQO-da 29 órt oshaǵy sóndirildi

ORAL. QazAqparat - Qazirgi ýaqytta aımaqtaǵy Syrym, Terekti, Bórli jáne Kaztalov aýdandarynda órt sóndirýshiler men JAO jedel áreketteriniń arqasynda 29 órt oshaǵy sóndirildi, dep habarlaıdy QazAqparat.

TJM málimetinshe, Áıtıev kentindegi órt oqshaýlandy. Janý alańy - 50 ga.

«Qazirgi ýaqytta Novopavlovka kentinde janýdy sóndirý jumystary jalǵasýda. Shamamen janý aýdany 25 ga quraıdy.

Jańa Ómir kentiniń mańyndaǵy janý oqshaýlandy. Boljamdy janý alańy - 17 ga.

Oblys boıynsha órtti sóndirýge 400-ge jýyq adam jáne 90-ǵa jýyq tehnıka jumyldyryldy», - dep jazdy mınıstrlikten.

Aıta keteıik, buǵan deıin BQO-da dala órti eldimekenge jaqyndap, 44 adam aýyldan kóshirilgenin habarlaǵan bolatynbyz.