BQO-da 27 mln teńgeniń malyn urlaǵandar sottaldy
ORAL. QazAqparat - Batys Qazaqstan oblysynda 27 mln astam teńgeniń malyn urlaǵandar sottaldy, dep habarlaıdy QazAqparat tilshisi.
Oblystyq polıtsııa departamenti tergeý basqarmasy bastyǵynyń orynbasary, polıtsııa maıory Erlan Jaqsybaevtyń málim etkenindeı, ótken jyldyń qarasha aıynda qolǵa túsken qylmystyq top 2015-2018 jyldary Qaratóbe aýdanynda mal urlaýmen aınalysqan.
QR QK 188-baby 2-bóligine (urlyq) jáne 262-babyna (uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý) sáıkes qylmystyq isti polıtsııa departamentiniń tergeý basqarmasy júrgizdi.
Tergeý barysynda Qaratóbe aýdanynyń turǵyndary E.Tólegenuly, O.Dáýletııarov, S.Bısenbaevtyń mal urlyǵymen aınalysqany anyqtaldy. Olar tórt jyl ishinde aýdannyń 40 turǵynynan barlyǵy 26 jylqy, 118 bas sıyr malyn urlap, olarǵa 27 mln astam teńge zalal keltirgen.
Syrym aýdandyq sotynyń úkimimen QR QK 188-baby 4-bóligi 1, 3-tarmaqtary jáne 262-baby 2-bóligimen aıypty dep tanylǵan uıymdasqan top basshysy E.Tólegenuly 8 jylǵa, O.Dáýletııarov 7 jylǵa bas bostandyǵynan aıyryldy.
Tergeý organdarymen protsessýaldyq kelisimge kelip, qylmystyń ashylýyna járdemdeskeni eskerilip, S.Bısenbaevtyń bes jyl alty aı merzimge bas bostandyǵy shekteldi.
