BQO-da 260 myńǵa jýyq adam koronavırýsqa qarsy ekpe saldyrdy

ORAL. QazAqparat – Batys Qazaqstan oblysynda 259 915 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, bul – egilýge tıisti turǵyndardyń 62,7 paıyzy.

Sondaı-aq 245 847 adam (59,3 paıyzy) ekinshi komponentti qabyldady.

Oblys boıynsha 26 741 adam revaktsınatsııadan ótti.

Óńirde 6588 adam Pfizer vaktsınasyn alsa, sonyń 3455-i – jasóspirimder, 234-i – júkti, 2899-y – sábı emizetin áıelder.

Basqarmadan túsken málimetke qaraǵanda, pandemııa bastalǵannan beri 41 569, sonyń ishinde 2020 jyly 9 221, 2021 jyly 30 849 adam indet juqtyrdy.

Jyl basynan beri 1499 adamnan koronavırýs tabyldy.

Qazirgi tańda 504 tósektik 8 ınfektsııalyq statsıonarda emdelip jatqan 169 naýqastyń tórteýi aýyr halde.

Eske sala keteıik, budan buryn Batys Qazaqstanda ınfektsııalyq statsıonarda jatqandar sany 150-den asqanyn, 57 myńnan asttam oqýshyny qashyqtan bilim alýda ekendigin jazǵan bolatynbyz.