BQO-da 25 jastaǵy turǵyn sýpermarketti tonap, 6 mln teńgeni jymqyryp ketken
ORAL. KAZINFORM – Aqsaı qalasynda sýpermarketten ákimgerdi uryp-soǵyp, 6 mln teńgeni urlap ketken kúdikti ustaldy.
BQO polıtsııa departamentiniń baspasóz qyzmetinen málim etkenindeı, jedel izdestirý is-sharalary barysynda Bórli aýdandyq polıtsııa bóliminiń krımınaldyq polıtsııa qyzmetkerleri qalanyń 25 jastaǵy turǵynyn qolǵa túsirdi.
«Atalmysh kúdikti sýpermarket aýlasynda ákimgerdi baǵyp turyp, uryp-soǵyp, kiltin tartyp alǵan. Sodan keıin dabyl sıgnalızatsııasyn óshirip, sýpermarketke kiredi. Sol jerden 6 mıllıon teńgege jýyq aptalyq tabys túsimin jymqyryp ketedi. Tonaý faktisi boıynsha qylmystyq is qozǵalyp, tergeý amaldary júrgizilýde. Kúdikti ýaqytsha ustaý ızolıatoryna qamaýǵa alyndy», dep habarlady vedomstvodan.
Eske sala keteıik, budan buryn BQO-nyń Aqsaı qalasynda bala urlanǵany jóninde jalǵan aqparat taralǵanyn jazǵan bolatynbyz.
