BQO-da 244 myńnan astam adam koronavırýsqa qarsy ekpe aldy
BQO densaýlyq saqtaý basqarmasynyń baspasóz qyzmeti málim etkenindeı, bul – oblys boıynsha egilýge tıisti turǵyndardyń (414 389) 59 paıyzy.
Sonyń basym bóligi nemese 175 574-i reseılik «Spýtnık V» vaktsınasyn qabyldady.
Oral qalasynda barlyǵy 224 092 adam egilýi tıis bolsa, sonyń 125 673-i egildi.
Óńirde 224 304 adam (54 paıyz) ekinshi komponentti saldyrdy.
Qazirgi kezde 84 233 doza І, 104 276 doza ІІ komponent bar.
Oblysqa birer kúnde Pfizer vaktsınasy jetkizilmekshi.
Basqarma málimetine qaraǵanda, pandemııa bastalǵannan beri tirkelgen 39 441 naýqastyń 36 506-sy jazylyp shyqty. 830 adam koronavırýstan kóz jumsa, sonyń 661-i bıylǵy jyldyń úlesine tıedi.
Kúni búgin ambýlatorlyq em alyp jatqan 392 naýqastyń 78 paıyzynyń aýrýy jeńil ótýde. 9 paıyzy – ortasha, 13 paıyzy – sımptomy joqtar.
Emhanalar janynda 132 mobıldi brıgada jumys isteýde, olar táýligine 700-den astam shaqyrtýǵa barady.
Oblysta 821 tósektik 16 ınfektsııalyq statsıonarda 132 naýqas jatsa, sonyń 10-y aýyr halde. Bulardyń altaýy ınvazıvti emes jasandy tynys alý apparatyna, tórteýi ottegi kontsentratoryna qosylǵan.
Eske sala keteıik, budan buryn BQO-da koronavırýs juqtyrǵandardyń 97 paıyzy vaktsına almaǵandar ekenin, qarasha aıynda 460-qa jýyq adamnan indet anyqtalǵanyn jazǵan bolatynbyz.
