BQO-da 239 qoǵamdyq kelisim keńesi jumys jasaýda

BQO QHA qoǵamdyq kelisim keńesteriniń V  forýmynda aıtylǵanyndaı, barlyq deńgeıdegi jáne Oral qalasyndaǵy kásiporyndarda qurylǵan qoǵamdyq kelisim keńesteriniń quramyna 4507 adam kiredi. Oblystyq keńes 52 adamnan turady.
 

Jıynda qoǵamdyq kelisim keńesteriniń turǵyndardyń ózekti máselelerin sheshýge, sondaı-aq «Rýhanı jańǵyrý» baǵdarlamasyn júzege asyrýǵa belsendi qatysýy kerektigi sóz bolyp, jumys tájirıbeleri ortaǵa salyndy.

Oblys ákiminiń orynbasary Ǵabıdolla Ospanqulov qazirgi tańda Qazaqstan aldynda turǵan basty mindet Elbasy belgilegen álemniń básekege qabiletti otyz eliniń qataryna ený ekendigin jetkizdi. Osy oraıda ekonomıka jáne basqa salalardy damytý óz aldyna, qoǵamdyq sanany jańǵyrtýdyń da mańyzy zor. Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasynda alda turǵan maqsat-mindetterdi atap kórsetkeni málim. Mundaı úlken mejege birlesip qana qol jetkizýge bolady. Bul rette qoǵamdyq kelisim keńesteri erekshe ról atqara alady. Qoǵamdyq kelisim keńesteri jergilikti oryndarda turǵyndarmen keńese otyryp, eń mańyzdy máselelerdi anyqtap, olardy memlekettik atqarýshy organdar aldyna qoıyp, ońtaıly sheshilýine yqpal ete alady.

Qazaqstan halqy BQO assambleıasy tóraǵasynyń orynbasary, hatshylyq meńgerýshisi Ǵaısa Qapaqov jeltoqsan aıynyń basynda ótken respýblıkalyq forýmda endi ár qoǵamdyq kelisim keńesiniń toqsan saıyn turǵyndar máseleleriniń sheshilýi jóninde qujat berip otyrýǵa mindetti ekendigin málim etti.  ıAǵnı olar qoǵamdyq baqylaýdyń is júzinde jasalyp otyrǵanyn tanytýy tıis. Qujatta keńeske qandaı kókeıkesti máseleniń túskeni, nendeı sheshim qabyldanǵany jáne nátıjesi kórsetiledi. Bul qoǵamdyq kelisim keńesteriniń rólin kóterý úshin jasalyp otyr.

Forým sońynda qoǵamdyq kelisim keńesteriniń belsendi músheleri, «Úzdik medıator», «Úzdik medıatsııa kabıneti» baıqaýynyń jeńimpazdary marapattalyp, «Týǵan elim - tiregim» taqyrybynda «Dostyq» festıvali márege jetti.